Pan integral de trigo

INGREDIENTES para dúas pezas
900 g fariña de trigo integral moída en pedra W200 Los Pisones
100 g fariña de trigo moída en pedra W200 Los Pisones
5,5 g lévedo seco
800 g auga fría
15 g sal

PREPARACIÓN
Mesturo todo nun bol e deixo repousar 10 min
Remexo ben cunha culler, divido en dous boles e meto no frigorífico unhas 15-16 h
Deixo temperar 3 h
Verco a masa (unha papa) sobre a mesa enfariñada con centeo e formo (é un dicir) un molete. A outra metada bótoa nun molde, sen forma nengunha.
Enforno o molete nunha cocotte quente de ferro, 20 min tapada a 240ºC e 40 min máis destapada a 200ºC

Pan de millo con uvas e noces

Mágoa de foto, é un pan redondo e douradiño, precioso.

INGREDIENTES
300 g fariña de millo
200 g fariña de trigo integral
200 g masa nai de centeo
80% auga
1,5% sal
unha presada de uvas e outra de noces

PREPARACIÓN
Tostar as noces e remollar as uvas.
Ferver a auga, escaldar a fariña de millo e remexer ben. Deixar repousar tapado.
Engadir o resto de ingredientes.
Deixar levedar (estivo cousa de 1 h a temperatura ambiente, 8 h no frigorífico e 4 h máis a temperatura ambiente).
Verquer a masa nun papel e enfornar.
Cocino en cocotte de ferro, 1 h a 200ºC, os primeiros 20 min tapado.

Fermented oatcakes

Copos de avea, kéfir, sésamo e sal. Fermentado unhas doce horas e pasado pola prancha engraxada. Un fío de mel e almorzo listo.

Flores!

Hoxe atopeime con esta sorpresa: as fabas comezan a florecer!

Eu nunca as vira antes, nin siquera sabía como eran. Son unhas flores delicadas e bonitas. E hai moitas máis en camiño :)

Compost

O produto desa máxica transformación na que refugallos de toda clase deixan de ser lixo para se converter nun ben prezado.

Desde que cuido unha hortiña miro con outros ollos o carozo da froita e a tona das patacas :)

Booombaaa

Laconada, bica e queimada: sobrevivirá alguén?

Artillería pesada

Estou preparando unha potente bomba. Velaquí as miñas armas:

Non, mellor non contar calorías: é Antroido.

Tordu à l'ancienne 90%H

INGREDIENTES para 4 barras
1000 g fariña de trigo moída en pedra W200 (Los Pisones)
900 g auga fría
5,5 g lévedo seco (1 sobre Maizena)
15 g sal
2 culleriñas de malta de trigo moída

PREPARACIÓN
Mesturo todo nun bol e deixo repousar 10 min
Remexo ben uns 3-4 min, reparto a masa en dous boles, tapo e meto no frigorífico 36 h
Deixo temperar 2 h a temperatura ambiente.
Enfariño ben a mesa con centeo e envorco a masa.
Divido o contido de cada bol en dous, prego e retorzo.*
Enforno sobre a pedra quente 45 min a 240ºC, os últimos 10 min dado volta (cú arriba).

*As dúas barras da primeira quenda foron de contado ao forno, as da segunda repousaron 10 min unha vez formadas e quizáis por iso o miolo quedou máis alveolado (a foto do corte é dunha das primeiras).

Pan de trigo e centeo con uvas e noces

INGREDIENTES
400 g masa nai 50% trigo, 50% centeo
600 g fariña de trigo moída en pedra W200 Los Pisones
100 g fariña integral de trigo Los Pisones
100 g fariña de centeo Los Pisones
500 g auga [70%] máis unha pouca que engadín no amasado
15 g sal [1,5%]
100 g uvas [10%]
80 g noces [pensaba poñer tamén o 10% pero non quedaban máis]

PREPARACIÓN
Tostar as noces e remollar as uvas.
Batir a masa nai coa auga.
Incorporar a fariña.
Autolise 30 min
Amasado 10 min
Primeira fermentación 3 h, cun S&F cada 60 min
Dividir en dous, formar e embanetonar.
Segunda fermentación 9 h ao fresco no balcón (uns 10ºC) e 2 h dentro da casa (uns 15ºC)
Enfornado sobre a pedra quente con vapor 15 min a 250ºC e 45 min a 200ºC sen vapor.

Entre o despiste e a improvisación

A receita orixinal é a do "Extra-thin rye crispbreads" de Dan Lepard, Short & Sweet, p. 262. Eu modifiqueina en parte por despiste, en parte por improvisación e por aproveitar restos.

INGREDIENTES para tres bandexas

250 g fariña de centeo e unha pouca máis para estirar a masa*
1 culleriña de azucre
1/2 culleriña de lévedo químico (Royal)**
1 culleriña de sal
25 g manteiga sen sal en anaquiños
150 ml leite frío***

* aproveitei a que cepillei dos banetóns nos que tivera outro pan (non se tira nada).
** puxen bicarbonato (despiste).
*** puxen 100 g de buttermilk e 50 g de kéfir (improvisación).

O procedimento é ben simple: mesturar a fariña, azucre, impulsor (eu bicarbonato, enganeime ao coller o bote) e sal.
Engadir a manteiga esfrangullándoa ata desfacela.
Incorporar o leite (eu buttermilk e kéfir, por aproveitar restos) e mesturar ben ata obter unha masa homoxénea.
Enfariñar a mesa, dividir a masa (eu fixen tres partes) e estirar finiña.
Furar toda a superficie cun kruskavel ou outro trebello, cortar en cadriños e enfornar uns 10 min a 200ºC
Enforneinos sobre a pedra porque estaba quente doutro pan.

Asitunahaliñá

Este inverno tivemos a sorte de ter picúas de Fuente Álamo (Jaén), cortesía de José Ramón, recollidas coa axuda de Álvaro. É a primeira vez que aliñamos aceitunas na casa, non tiñamos nin idea e improvisamos o que se nos ocorreu: allos, tomillo, limón... Ata secamos unhas negras sobre un radiador (o tradicional é deixalas ao sol, aquí é imposible) e agora están macerando en aceite. Todas esán boas :)

Bialys

INGREDIENTES para 7 byalis

Día 1 - masa 1
200 g fariña de trigo moída en pedra W200 (Los Pisones)
116 g auga [58%]
3,8 g sal [1,9 %]
1 g lévedo seco

Amasar todo xunto, deixar levedar e gardar no frigorífico ata o día seguinte.
Antes de usala, deixala temperar un par de horas.

Día 2 - masa 2 (idéntica á primeira)
200 g fariña de trigo moída en pedra W200 (Los Pisones)
116 g auga [58%]
3,8 g sal [1,9 %]
1 g lévedo seco

Amasar todo e incorporar a masa 1.
Deixar levedar 2 h
Dividir a masa en 7 boliñas e deixar repousar 1,5 h
Formar o oco do medio.
Encher cun recheo de cebola salteada, sésamo, nigella...
Enfornar con vapor 12 min a 250 ºC

Galletas especiadas

INGREDIENTES para unha bandexa
300 g fariña de trigo candeal
100 g azucre moreno
100 g nata caseira (crème fraîche)
un ovo batido
un pouco leite (boteino porque a masa estaba demasiado seca)
xenxibre confitado en anaquiños
canela
cardamomo medio moído
sal

PREPARACIÓN
Mesturo todo ata obter unha masa homoxénea.
Estiro sobre unha lámina de silicona (é unha masa pegañenta).
Corto en cadriños e enforno uns 20 min a 180ºC

Pan de molde semi integral

INGREDIENTES para dous moldes de 1,5 L
500 g fariña de trigo candeal (Froiz-Gabino Bobo)
500 g fariña de trigo integral (Los Pisones)
300 g soro de kéfir
370 g leite
50 g nata caseira (desta)
7,5 g sal
2,2 g lévedo seco (non tiña máis)
sementes de sésamo e mapoula

PREPARACIÓN
Amaso todo xunto.
Deixo levedar algo máis de 2 h
Formo, enmoldo e meto no frigorífico toda a noite.
Deixo temperar unhas 3 h
Pulverizo auga, boto sementes por riba e enforno 1h a 200-180ºC