Unha comida redonda

Con patacas da horta e ovos das pitas de meu irmán. Un auténtico luxo.

Deluxe

Para moitas persoas falar de comida de luxo significa marisco ou cousa semellante. Para min trátase máis ben disto:

Ensalada da horta, con leituga folla de carballo e rabanitos acabados de apañar, noces e mazá. Todo de casa menos a mazá, que aínda non hai.

De luxo.

Assim você me mata

Churrasco á brasileira, com farofa, arroz, feijão e vinagreta.
Nossa, nossa.

Sopa con kishk

Fixen esta riquísima sopa-potaxe cunha espiña de salmón (restos dun que marinei haberá un par de meses), allo porro da horta de Laura, cenoura, pataca e kishk. Boteille un pouco eneldo por riba no momento de servir. Todos os sabores combinan á perfección: o kishk axuda a espesar o caldo e aporta un puntiño ácedo delicioso.

Este kishk ten historia: prepareino este verán nunha escapada montuna entre León e Asturias. Levei un táper con bulgur mesturado con kéfir (ou iogur, non me acordo ben) e cada mañán remexía un pouco mentres preparaba o café para o almorzo no camping gas; logo pasabamos o día camiñando por aí e ata o día seguinte. Slow food da boa :)

Máis información sobre o kishk, aquí.
Máis información sobre a sopa tarhana, aquí.
Unha receita de sopa tarhana á que lle teño botado o ollo hai tempo, aquí.

Ensaio xeral

Chucrut con mazá, puré de patacas, salsa de oporto e lombo de porco asado.
Canto me gusta o outono! :)

Abóbora no forno

É incrible o que está a dar de si a mini horta. Ela condiciona en boa medida os nosos menús, cociñamos segundo o que haxa dispoñible. Hoxe inventei unha receita de cabaza rechea con cebola, cogumelos negros (Auricularia polytricha), okara, cacahuete, sésamo e curry.

Борщ

Rico e sinxelo borscht de remolacha fermentada, pataca, cebola e cenoura con crème fraîche.
Receita de Wild Fermentation, tamén coñecido como «o libro dos tolos».

Potaxe canario de cabaza

Con cabaza, acelgas, pataca, cebola, allo, tomate e fabas. Boa parte dos ingredientes proveñen da horta.

Que viva a culler!

Tomaten groentesoep met kaas

Unha noite de inverno hai unha chea de anos unha colega holandesa convidounos a unha reconfortante sopa que preparara na cociña común de Vančurová. Esquecín o nome da rapaza, o da sopa non: tomatogrúnesup, pareceume entender daquela.

Aproveitando que tiña verduras da horta e queixo caseiro, fíxena hoxe para xantar.

Bueno, bonito, barato

Morcilla cordobesa, chucrut de lombarda, puré de mazá.

As cousas boas do verán

Guisote de bonito. Gloria bendita.

Intramuros

A horta en miniatura crece que dá gusto vela, é todo un espectáculo.

Bonito embotado

Six month old.

Tex-mex

Chili con carne nun fervo non fervo mentres fago unhas tortillas.

Tona de laranxa confitada

É tan bonita que de vez en cando a collo para mirala.

Mini tartaletas de lemon curd e merengue

LEMON CURD
2 limóns
100 g azucre
50 g manteiga
2 ovos

Quentar ao baño maría o azucre coa manteiga, o zume e a raspadura dos limóns ata que estea todo ben disolto e mesturado.
Batir os ovos e engadilos ao anterior pouco a pouco e remexendo.
Cocer uns minutos, remexendo sempre, ata que espese.

Probando, probando

Ampliando a gama de produtos am & am (feitos a man, amodo).

Despois de ler isto non me puiden resistir a probar! Non tiña nin idea de que se podía facer na casa e que era tan sinxelo.

Pastela moruna

Con nostalxia daqueles tés deliciosos nas terrazas da praza Xemaa-el-Fna.

Aperitivo especiado

Paneer con cúrcuma e nigella sobre pan de centeo con cilantro de hai dez días.

Ajoblanco

Isto tan bonito e apetitoso non é unha sobremesa, é ajoblanco con anaquiños de mazá e un toque de pimenta moída. Fíxoo hoxe o Ganapán Inofensivo coa fariña de fabas secas que trouxo do sur (aquí non a hai). Eu nunca o comera e gustoume moito, aínda que el diga que non lle sae ben de todo. Hai quen lle bota pan, a nos gústanos sen el, segundo a receita de Matilde:

INGREDIENTES
20 gr fariña de fabas
30 gr aceite
20 gr auga + 600 gr
3 gr vinagre
5 gr sal
1 dente de allo

Tritúrase todo xunto coa batidora ata que emulsione, mestúrase ben cos 600 gr de auga e listo.
Servir moi frío.

Habémolo repetir, porque trouxo fariña para fartar: