PERIQUITO, PRIMEIRA APROXIMACIÓN
INGREDIENTES
500 gr fariña de forza (Baldomir)
250 gr leite
50 gr manteiga
50 gr azucre
2 ovos (100 gr sen casca)
15 gr lévedo prensado (3%)
10 gr sal
unha colleriña de auga de azahar
ovo para pintar
azucre húmido para adornar
PREPARACIÓN
Ferver o leite e deixalo temperar.
Misturar o leite coa fariña e os ovos batidos e deixalo 30'
Incorporar o lévedo e amasar (Bertinet) todo xunto.
Ir engadindo pouco a pouco o sal e a manteiga e por último a auga de azahar.
Facer unha bola e deixar repousar cuberto nun bol aceitado no frigorífico. Estivo unhas 12 h
Frío (tórnase pegañento cando se quenta), desgasificar e amasar un pouco. Aceitar a mesa e as mans. Dividir a masa en catro partes, facer catro churros e trenzar.
Vernizar con ovo batido.
Deixar repousar 1 h en lugar cálido e húmido.
Adornar con azucre húmido.
Enfornar uns 45' a 200ºC, cuberto con papel de aluminio.
CATAA presentación é espectacular porque a peza colle moitísimo volume. Moi, moi tenro e suave. Pouco doce (perfecto para o meu gusto), non sobresae o sabor a manteiga.
A MELLORAR
Probar con outras presentacións, por exemplo a do pan de leite de Hokkaido, con mák no interior dos rolos.
Pódese probar a variar a cantidade de leite e ovo, sen alterar a taxa de hidratación da masa [segundo di Reinhart, os ovos conteñen un 75% de humidade].
PROCEDENCIA
Richard Bertinet, Panes, con mínimas modificacións: a receita orixinal indica 60 gr manteiga e 40 gr azucre e non di nada da auga de azahar.
