27/6/09

Volcanciños

Curry de polo con leite de coco



Curry de polo con leite de coco e unhas pitas para acompañar.

Piiiitas piiitas (2ª ed)


PIIIITAS PIIITAS (2ª ed)

INGREDIENTES para unhas 12 pitas (dúas bandexas)
400 gr fariña de forza
250 gr agua morniña (aprox 63%)
5 gr lévedo prensado (aprox 1/4 cubito)
10 gr azucre
5 gr sal

PREPARACIÓN
Misturar o lévedo, a auga e o azucre. Deixar repousar 5'
Engadir o sal e a fariña. Amasado Bertinet uns 20-25'
Deixar levedar aprox 60'
Enfariñar ben a mesa.
Desgasificar.
Cortar a masa cunhas tesoiras en cadrados parellos.
Estirar bastante cada cadrado.
Deixar repousar tapadas.
Enfornar ao máximo de temperatura 4' por un lado, dar a volta e 3' polo outro. Colocar a grella na posición media.
Deixar arrefiar un pouco, aplanar e gardar envoltas nun pano húmido porque se resecan de contado.

CATA
¡Perfectas! Subiron todas, engordaron como bolas, parecía que ian rebentar. Fixen dúas cousas de maneira diferente á primeira vez:

Unha vez desgasificada a masa, no canto de facer boliñas, corteina en cadrados cunhas tesoiras e funnos estirando sen amasalos.

Enforneinas na grella do forno (sobre un papel) e non na bandexa. Pensei que deste xeito recibirían máis calor.

Amaseinas máis que a primeira vez, ata ter a certeza de que o glute estaba ben desenvolvido.

A MELLORAR
A forma non é moi ortodoxa: no canto de redondas quedaron cadradas e triangulares.


PROCEDENCIA
De Madrid tiene miga
http://madridtienemiga.blogspot.com/2009/01/pitas-perfectas-para-una-venganza.html
(desapareceu co cambio do blog a Wordpress).

e Bureka Boy
http://is-that-my-bureka.blogspot.com/2007/02/pita-101.html

Membrana

Que ben me saiu!

24/6/09

Piiiitas piiitas


PIIIITAS PIIITAS

INGREDIENTES para unhas 12 pitas (dúas bandexas)
400 gr fariña de forza
250 gr auga morniña (aprox 63%)
5 gr lévedo prensado (aprox 1/4 cubito)
10 gr azucre
5 gr sal

PREPARACIÓN
Misturar o lévedo, a auga e o azucre. Deixar repousar 5'
Engadir o sal e a fariña. Amasado Bertinet uns 10'
Deixar levedar uns 60'
Esparexer fariña abondo sobre a mesa.
Desgasificar.
Dividir a masa en 12 boliñas.
Estirar ben cada boliña, deben quedar uns círculos de 0,5 cm de groso máis ou menos.
Deixar repousar tapadas.
Enfornar ao máximo de temperatura 4' por un lado, dar a volta y 3' polo outro. Colocar a bandexa no medio. Non precisan vapor.
Deixar arrefiar un pouco, aplastar e gardar envoltas nun pano húmido para que non se resequen.
Pódense gardar na neveira nunha bolsa e, cando se vaian comer, humedecelas e quentalas brevemente no forno.


CATA
Quedaron flexibles, finas pero resistentes, moi apropiadas para encher ou para comer un guiso tipo tajine mollando.
Un pan sinxelo, fácil e rápido, perfecto para un curry de polo (as pitas co polo, claro) con leite de coco e espinacas.

A MELLORAR
No subiron todas, se cadra porque o forno non quenta dabondo. De todos xeitos saíron moi boas e puidemos abrir todas ao medio sen problemas agás dúas ou tres que estirei demasiado e quedaron crocantes.


PROCEDENCIA
De Madrid tiene miga
http://madridtienemiga.blogspot.com/2009/01/pitas-perfectas-para-una-venganza.html
(desapareceu co cambio do blog a Wordpress).

e Bureka Boy
http://is-that-my-bureka.blogspot.com/2007/02/pita-101.html

Segundo Bureka pódense facer con fariña all purpose: probei con fariña de Taramundi e Gallo e sairon francamente boas.