31/7/12

Unha broíña

Fixen unha broíña pequena para unha sardiñada tamén pequena.

Nunca a fixera con trigo pero esta vez boteille un pouco e penso que non lle vai mal. A versión de hoxe leva:

300 g fariña de millo
100 g trigo do país
200 g masa nai de centeo
75% auga
1,5% sal

A preparación non pode ser máis simple. Velaquí un completo tutorial con fotos e todo:


Escáldase o millo coa auga, déixase enfriar un pouco e mestúrase todo nun bol amplo.

Déixase levedar no mesmo bol para non ter que limpar moito.

Cando presenta este aspecto, con fendas por toda a superficie, está lista para entrar no forno.

Lévalle perto dunha hora, quedará así de douradiña.


Un miolo compacto e húmido, perfecto para acompañar as sardiñas.

Bean crackers


Baseadas nunha versión que fixo Cecília das White bean wafers (Lepard, The handmade loaf, p. 184).

As miñas levan fabas cocidas con algas e tomate seco. Substituín a manteiga por aceite e non estou segura de que sexa boa idea, non me convence demasiado a textura areosa que resulta, prefíroas máis consistentes.

INGREDIENTES para unha bandexa
200 g fabas (de caldo) cocidas con alga nori e tomate seco
2 (ou sexa, 4 metades) deses tomates secos cocidos

50 g aceite
200 g fariña corrente
media culleriña de bicarbonato
media culleriña de Royal
non lle puxen sal á masa por medo a pasarme (as algas e os tomates son salgados), pero bótaselle en falta

PREPARACIÓN
Triturei as fabas escurridas cos tomates, algunhas algas e o aceite ata obter unha especie de hummus riquísimo.
Logo engadín a fariña mesturada co Royal e o bicarbonato.
Estirei, cortei e ao forno 15 min a 200º C

A seguinte versión será con manteiga, sal e sen bicarbonato.

Boooooommm!!

Velaquí unha deliciosa bica xusto antes de entrar no forno:



E velaquí a mesma deliciosa bica logo de que estourase o bote de leite condensado co que compartía forno:


Si, xa sei: os experimentos, con gaseosa.

30/7/12

Xeado rápido (e falso) de ameixas


Este ano as ameixeiras e as cabaciñas son tan prolíficas que xa non sei que facer con tanta produción e non deixo de probar cousas novas.

Velaquí unha versión cutre do quick damson ice cream de Nigel Slater (en Tender, vol. II, p. 844). Hoxe, de "a man e amodo", nada. Dame un pouco de vergoña recoñecer que a miña versión leva flan chino e está feita no microondas, pero a verdade é que non está nada malo!

A versión 2.0 será con leite evaporado. Teño ameixas dabondo para facer todos os experimentos do mundo.

29/7/12

Biscoito de kéfir con mazá e canela

 

Unha versión do típico biscoito de iogur para almorzar.

INGREDIENTES para un molde de 1,5 L
3 ovos
1 cunca (240 ml) de azucre amarelo areado (é húmido, aromático e pouco doce)
un chorriño de aceite
1 cunca de kéfir
3 cuncas de fariña corrente
un sobre de Royal (en realidade botei menos, porque aproveitei un que tiña empezado)
2 mazás Golden cortadas en anaquiños
raspadura de limón
canela
unha areíña de sal

PREPARACIÓN
Bater os ovos co azucre.
Engadir o kéfir e o aceite.
Mesturar a fariña co sal e o Royal e incorporar ao anterior.
Aromatizar co limón e a canela ao gusto.
Engadir a mazá.
Botar a masa nun molde enmanteigado.
Cubrir con azucre e canela.
Enfornar 45 min a 200ºC

Pan con boina


Fun coller o bote da masa nai e atopeina invadida por algún fungo chungo. Cheiraba que fedía! Tirei o bote enteiro, que noxo :(

Por sorte tiña guardada unha pouca masa nai seca e púidena reactivar sen problema. Primeiro parecía que non tiraba, pero logo púxose tan activa que metía medo.

Fixen un pan básico para probala:

500 g trigo do país
200 g masa nai de centeo ao 100% (Triticatum)
320 g auga [70%]
9 g sal [1,5%]

Autolise 1 h
Amasado 15 min
Fermentación 3 h con S&F aos 60 e 120 min
Repouso en frigorífico 15 h
Temperar 1 h
Formado (mal), greñado (peor) e ao forno.
Enfornado sobre tixola quente de ferro, 15 min a 240ºC con vapor e 45 min máis a 200ºC sen vapor.

De sabor está bastante ben, o miolo algo mazacote. A a masa quedou moi rara (absorbeu pouca auga, a masa non daba collido forza e era esaxeradamente extensible) supoño que será culpa da fariña do país, sempre me dera moi bo resultado pero hoxe foi unha decepción.

O que si funcionou de marabilla foi a tixola de ferro, que nunca usara para isto, seguro que repito.

Galletas de serrín


Especialmente dedicadas a Sergio, que sempre se ri de min porque me gustan "esas cousas de serrín que nin son doces nin saben a nada". E é verdade :)

Ainda que están disfrazadas de knäckebröd, a receita é practicamente a mesma que a das oatcakes, substituindo os copos de avea por trigo en gran moído no molinillo de café, a manteiga por manteiga cocida e multiplicando por tres a cantidade de sésamo.

Moi crocantes e cheas de sabor a noces (que non levan).

22/7/12

Mais duas sandes no Gerês









Os lugares son paradisíacos, si, pero os bocatas infames :(

Que malo é o pan de molde comprado, non entendo como alguén pode compralo puidendo escoller outra cousa.

Se algún día me perdo, que me busquen por estas serras.

15/7/12

Chocolate zucchini bread


Ainda que nos pareza unha combinación rara, os pans e pasteis de chocolate e cabaciña son bastante comúns nos EEUU.

Velaquí a miña versión (non definitiva, ollo aos *), adaptación desta receita de King Arthur Flour. O resultado non é moi doce, aproxímase máis a un soda bread que a un biscoito; para o meu gusto está ben así, pero os máis larpeiros queixaranse.

INGREDIENTES para un molde de 1,5 L
2 ovos
85 g mel*
85 g aceite
85 g azucre de cana
1 tsp (culleriña) sal
1/2 tsp bicarbonato**
1/2 tsp lévedo químico (Royal)
240 g fariña corrente
85 g cacao en po***
240 g cabaciña relada con pel

PREPARACIÓN
Mesturar nun bol grande os ovos co mel, aceite e azucre.
Engadir o sal, bicarbonato, Royal, fariña e cacao.
Por último incorporar a cabaciña.
Verquer a masa nun molde engraxado.
Enfornar 55 min a 175ºC

A MELLORAR
*A próxima vez botareille melaza de cana no canto de mel, penso que lle ha ir mellor o sabor caramelizado.

**Non entendo moi ben por que o bicarbonato, sobre todo cando a receita orixinal pide cacao á holandesa, que é alcalinizado. Nótaselle un pouco o regusto, o próximo fareino só con Royal.

***Pode que sexa excesiva a cantidade de cacao (amarga un pouco), reducireina a ver.

Máis cousas para probar: penso que admite máis cantidade de cabaciña e que parte da fariña poderíase substituir por integral.

Seguiremos informando.

14/7/12

A sorte do principiante



Este cadradiño de terra, que terá 1,5 x 1,5 m


deu todas estas patacas: nada máis e nada menos que 14 Kg


Sen boa semente e sen ter eu nin idea de campo.

A xenerosidade da terra non deixa de sorprenderme.

12/7/12

Pitas

 
 

A típica "masa tonta", que feita desta maneira semella algo especial.

INGREDIENTES
500 g fariña de trigo corrente (Gallo funciona moi ben para isto)
300 g auga [60%]
6 g lévedo fresco [1,2%] ou 2 g lévedo seco
6 g sal [1,2%]

PREPARACIÓN
Amasar ata obter unha masa homoxénea (será moi rápido e fácil).
Deixar levedar tapada 1 h (máis tempo se non vai calor).
Dividir a masa en 12 boliñas (ou máis ou menos, depende do tamaño que se queira) e pousalas nunha superficie enfariñada.
Deixar repousar un pouquiño e estiralas ata obter discos (vense ao fondo na primeira foto).
Quentar o forno á máxima temperatura cunha prancha de ferro dentro ou unha bandexa metálica (o ideal é que sexa grosa e esmaltada de negro): trátase de que acumule a maior cantidade de calor posible.
Botar as pitas sobre a prancha, deixar 3-4 min, darlles volta e enfornar 3 min máis: incharán como bólas, parecerá que van rebentar.
Cubrir cun pano para mantelas mornas e tenras ata a hora de comer.
Abrir por un lado con un coitelo e enchelas co que máis nos guste.

Se se quere, pódense conxelar unha vez frías e logo desconxelalas meténdoas directamente no tostador, lévalles moi pouco tempo: ollo ao abrilas, porque o aire quente do interior queima!

10/7/12

Pan de molde de kamut


Unha variante con kamut do sempre resultón "Simple milk loaf" de Lepard, The handmade loaf, p. 46.

INGREDIENTES
250 g fariña de kamut (Triticatum)
250 g fariña de forza (Haricaman)
350 g (ou algo máis) leite
2 g lévedo seco
20 g manteiga
20 g mel
7 g sal

PREPARACIÓN
Amasar todo o xunto menos a manteiga, que se engade cando xa está algo desenvolvido o glute.
Reposo en bloque cousa de 1 h 15 min
Desgasificado e formado.
Reposo 1 h 15 min ou algo máis.
Pulverizo auga e boto por riba sementes de sésamo.
Forno 1 h a 200ºC escasos.

8/7/12

Toda joia, toda beleza





Nunca entendín esa división entre prantas útiles e ornamentais. Que alguén me explique por que estas non son ornamentais.

2/7/12

Voici le clafoutis


Doce e ácedo, delicioso contraste de sabores.

Nigel Slater, Tender, vol. II, p. 810. Posiblemente o pastel máis fácil do mundo... e velaquí a maneira máis fácil de descarozar as cereixas:

40 Percent Caraway Rye

 

Hamelman, Bread, p. 194-195.