Non sei como estará de sabor porque aínda non o probei, pero o aspecto é lindísimo, con tanta cor. Tamén me gusta o nome.Moltes gràcies, Cecília.
30/6/10
Pickle & pickle
Non sei como estará de sabor porque aínda non o probei, pero o aspecto é lindísimo, con tanta cor. Tamén me gusta o nome.Moltes gràcies, Cecília.
28/6/10
1 Kg de frambuesas
Onte á tarde apañei 1 Kg de frambuesas (e algún bechiño) canda meu pai. Este ano hai dabondo para nos, para os paxaros, caracois e quen as queira vir coller. Improvisei con elas unha marmelada. Non será a mellor do mundo porque nunca a fixera e non tiña tempo para buscar unha receita, pero habémola comer igual :)
Aproveitei para facer tamén un pequeno experimento, animada polo éxito do ginger ale caseiro e pola lectura do libro Wild Fermentation, de Sandor Ellix Katz.Esta botella contén:
- 20 gr marmelada de frambuesa
- 30 gr azucre
- 1 gr lévedo fresco (aprox)
- algo menos dun litro de auga
Cando fixen a foto a mestura levaba 12 h de fermentación a temperatura ambiente (uns 23ºC). Aprécianse ben as burbullas de gas e a base da botella abombada pola presión.
Ten un ton ben bonito, non?
Isto promete!
Como di a miña socia na factoría R&R, agora xa non vamos poder parar!!
27/6/10
Guindas
Como cada ano, sempre por estas datas preparamos as guindas.É xa unha tradición tan de San Xoan como as sardiñas e as lumeradas.
Guindas de Espada, caña de Portela, azucre, canela...
... e tempo.
26/6/10
Fast food
Hoxe, fast food: un spotted soda bread moi semellante ao que fixen hai pouco pero nesta ocasión con fariña integral (moito mellor así, aínda que non lle pegan moito as uvas pasas) e unha pouca manteiga cocida.
Saíu salgado de máis, se cadra porque leva máis bicarbonato do que precisa.
Boteille tamén parte do soro deste queixo, que ten boa pinta pero non ten présa por madurar:
A receita é a de Dan Lepard en The handmade loaf, p. 99, algo adaptada.
25/6/10
Palak paneer (sort of)
Palak paneer ou, o que ven ser o mesmo, potaxe vexetariana de espinacas con queixo. Púxenlle ese nome exótico para que parecese algo especial, porque non é máis ca unha comida improvisada co que tiña por casa: cebolas, allos, espinacas, cenouras, pipas... e queixo fresco caseiro.
24/6/10
23/6/10
21/6/10
Nigra sum sed pulchra
Borodinsky chleb recén saído da factoría R&R, feito case a catro mans (velaquí a outra metade da produción, que fixo a socia), seguindo a receita de Ibán no foro do pan. Saiu ben escuriño.INGREDIENTES para unha peza pequena (aprox. 700 gr, molde 20 cm)
270 gr masa nai de centeo integral
230 gr fariña branca de centeo
182 gr Pony Malta [87%]
20 gr melaza [5%]
5 gr coendros moídos [1%]
5 gr sal [1%]
PREPARACIÓN
Mesturar todo.
Esparexer uns coendros enteiros na base do molde e botar a masa.
Deixar repousar ata doblar o volume (estivo unhas 7 h a 18ºC)
Pulverizar auga e enfornar 10' a 240ºC e 40' máis a 200ºC
Deixar arrefiar, envolver e deixar repousar polo menos dous días antes de comelo.
É unha mestura curiosa de sabores: ácedo, doce, aromático... Iría ben con pomazanka, uzena makrela e okurky.
Ten un regusto á Pony que non me gusta, pero sospeito que o sabor ha ir variando co paso dos días.
Vita longa
Fixen este pan hai dez días e aínda está bo. Comino hoxe con paneer e chatni, todo feito na casa. O chatni, por certo, é do verán pasado.Canto duran algunhas cousas!
19/6/10
Soda bread escuro
Non sei por qué este pan saiu tan escuro como se levase melaza, semella un pumpkin bread ou un pain aux épices.Fíxeno igual que o spotted soda bread de hai uns días, que saiu clariño, a única diferencia é que este en lugar de leite leva o soro do paneer. Ah, e leva bicarbonato sódico El Tigre en substitución do lévedo químico Royal.
E, ben pensado, hai aínda unha terceira diferenza: esquecín cubrilo con aluminio na primeira parte do enfornado, pero a cor non se debe a que estea torrado.
18/6/10
Moon and stars
"The only disadvantages of oatcake are the speed with which it dissappears, and the crumbs left scattered all over the table and the floor after an oatcake meal. Gracie McDermot told me that in her childhood oatcake was known as the 'Moon and Stars', the round oatcake or bannock toasted before the peat fire on the iron being the moon and the 'sheetful of crumbs' the stars".Elizabeth David, English bread and yeast cookery, London, Penguin Books, 1977, p. 533
Este libro é unha xoia.
17/6/10
Ras-el-hanout
Tabulé e espetos con aliño de ras-el-hanout. Aquí non hai pan, esta entrada é só unha excusa para escribir ras-el-hanout, unha palabra preciosa.
13/6/10
Oatcakes
A piques de entraren no fornoINGREDIENTES para unhas 20 oatcakes de 9 cm
140 gr copos de avea (Eroski)
140 gr copos de avea moídos
280 gr auga fervendo
28 gr manteiga [10%]
3 gr sal [1%]
6 gr sésamo [2%]
PREPARACIÓN
Mesturar os copos de avea enteiros e moídos, o sal e o sésamo.
Engadir a manteiga e botar por riba a auga fervendo.
Remexer ben e deixar repousar uns 15'
Estender entre dúas láminas de silicona tratando de deixalas finas e cortar discos co aro de emplatar.
Colocar as oatcakes en dúas bandexas e deixar cousa dunha hora para que sequen un pouco.
Enfornar a baixa temperatura (150ºC) uns 45', o tempo depende do grosor das oatcakes, o obxectivo é que queden crocantes. Pódeselles dar a volta para que vaian secando polos dous lados.
Con cottage cheese caseiro e albahaca
Con queixo de cabra e salmónA receita é esta que publicou LaMaga no foro do pan, minimamente adaptada.
12/6/10
Rugbrød
Recén saídos do forno. Agora toca agardar dous días para que maduren ben. O recendo é moi bo, promete!Rugbrød é pan de centeo en danés. Segundo o que lin na Wikipedia, debe de asemellarse moito a este e inclúe unha boa cantidade de gran enteiro cocido. Púxenlle ese nome ao post porque impresiona moito ;-)
A receita é a do Wholegrain rye bread de Dan Lepard The handmade loaf, p. 85, cun pequeno cambio: como non tiña centeo en gran boteille cebada e despois de cocida remolleina varias horas en cervexa negra.
_______________________
Velaquí o corte, dous días despois:
Gústame moito pero non se lle nota ningún sabor a cervexa, se cadra porque a que leva (Bock Damm) non é moi boa.
Spotted soda bread
Do libro de Dan Lepard The handmade loaf, p. 99.Nunca fixera (nin comera) un soda bread. Non diría que é exactamente un pan pero tampoco un biscoito. Gústame para o almorzo con cottage cheese caseiro e marmelada de laranxa amarga.
A próxima vez fareino con soro de leite; estou tamén enganchada á artesanía queixeira e xunto dabondo.
10/6/10
Pink Panther Bao
Xelado de amorodos?
Pataca cocida con polbo?
Non, é un Pink Panther Bao!Quixen imitar estes Plastilina Bao de Ibán-San tan molones e saíronme dunha delicada cor rosa chicle. Aos meus á penas se lles nota o sabor a remolacha.
Non dou cantidades porque están feitos totalmente a ollo.
9/6/10
Menú degustación
Dito doutra maneira, hoxe non fago comida e aproveito os restos que teño pola cociña: repolo con alliños, olivada, rin-ran e un bao, cun vaso de ginger ale ben fresquiño. Todo caseiro, claro.
8/6/10
Mestizaxe
Para aproveitar restos fixen un cruce entre baozi e empanada de bacallao con pasas, cun bacallao que sobrou dun rin-ran cazorleño:
Empreguei fariñas que tiña por casa, puxen metade fariña candeal e metade fariña de repostería e saíron ben tenriños:
6/6/10
Un ano de pan
Hai un ano remexín fariña e auga, criei unha masa nai e comecei a facer pan todas as semanas, algunhas varias veces.Este panciño sinxelo de hoxe fíxeno sen pedra, como daquela, que non tiña.
Hoxe, ademáis, ampliamos o abano de produtos caseiros:
Anchoas, queixo e ginger ale, todo feito na casa.Bo proveito!
Queixo!
Para ser a primeira vez que fago queixo non me podo queixar do resultado :-D Sorprendeume que saíse tan ben, aseméllase moitísimo ao do Cebreiro. Haberá que agardar uns días a ver como evoluciona.
A forma é un pouco rara porque non atopei un recipiente axeitado onde prensalo e metino nunha caixa baleira de xelado.
O queixo está feito con leite Leyma natura pasteurizado e segundo a receita de Fankhauser.
5/6/10
Ginger ale
INGREDIENTES para 2 L200 gr azucre de cana
2 gr lévedo prensado
32 gr xenxibre fresco ralado
2 L auga
A receita está tirada da páxina de Fankhauser. Cheguei alá procurando información sobre como facer queixo caseiro e atopei isto. Por certo, fixen tamén o queixo e algo de pan; está a ser unha fin de semana do máis completa...
Xa bebemos estes 2 L e temos 4 máis en preparación. Hics.
Suscribirse a:
Entradas (Atom)