Profiteroles (receita de Dan Lepard en Short & Sweet, p. 415) recheos de lemon curd, cun pouco azucre moído e canela por riba.
Derradeiro experimento por unha tempada, están demasiado bos!
29/4/12
Bon profit
Profiteroles (receita de Dan Lepard en Short & Sweet, p. 415) recheos de lemon curd, cun pouco azucre moído e canela por riba.
Derradeiro experimento por unha tempada, están demasiado bos!
25/4/12
Outro experimento: profiteroles de anko
Hoxe si me dou por satisfeita :)
A receita (fácil, fácil, fácil) da pasta choux é de Dan Lepard, Short & Sweet, p. 415.
24/4/12
Un experimento: anko bao
Pseudo-anko: a falta de azukis, caricos
Triturei os caricos cocidos con azucre (aprox. 250 g caricos, con auga da cocción e 100 g azucre de cana), a pasta estaba moi boa, sabía como a castañas, pero quedou un pouco solta. Para espesala engadín un par de culleriñas de cacao en pó e refrixerei ata o día seguinte. Espesou pero non dabondo para isto.
Fixen unha masa de pan normal, doce: 200 g fariña corrente, 60% auga, 10% azucre, algo de sal, 1 g lévedo seco e deixeina levedar 1 h. Dividín en 8 partes, metin como puiden o recheo e deixei levedar cousa de 2 h máis.
O resultado é un pouco desastroso:
Mal
Mal tamén
Por sorte, o recendo, o sabor e a textura son bós. Poderíanse facer apostas con este pseudo-anko, ninguén adiviñaría que leva fabas :)
A ver se co que me queda son quen de facer uns profiteroles.
22/4/12
Pequeno tesouro verde
Verdura sementada por min, regada pola chuvia e apañada por min.
É un privilexio poder comer cousas así.
21/4/12
Metedura de pata con final feliz
Tiña previsto facer hoxe un molete de millo e trigo de forza. Era unha receita sinxela: escaldar o millo, mesturalo coa masa nai, engadir un pouco máis de fariña de trigo, sal e seguir o proceso cotián. Tiña os cálculos feitos e as cantidades anotadas nun papeliño. Ben. Pois non sei en que andaría pensando, que botei a cantidade necesaria de auga dúas veces. Si: dúas, e o mellor de todo é que non me decatei ata moitas horas máis tarde. A primeira vez foi ao escaldar o millo e a segunda batendo a masa nai. Obtiven unhas natillas preciosas, amareliñas. Botándolle a culpa á pouca capacidade de absorción do millo e sen entender aínda que pasara, engadín centeo integral e un pouco máis de trigo, o que me quedaba... pero non se me ocorreu aumentar o sal en proporción. Ben, moi ben.
Tiña unha considerable cantidade dunha masa excesivamente branda para darlle forma ningunha, así que a remexin ben (para ser exactos, ata que me doeu o brazo) nun bol enorme e repartina en tres moldes engraxados, nun deles mesturei unha boa presada de uvas. Deixeina levedar (delicioso cheiriño a iogur, por certo), enmanteiguei por riba e enfornei 1.30 h a 180ºC-200ºC
Sorprendentemente, pódese comer. E non está malo, non.
Apple sourdough pancakes
INGREDIENTES
1 mazá relada
1 cup kéfir
1 cup fariña de trigo corrente
2 culleradas azucre de cana
2 culleradas masa nai de centeo
PREPARACIÓN
Mesturar todo e deixar levedar toda a noite.
Botar pequenas porcións sobre a prancha engraxada.
Servir quentes ou mornos, acompañados con mel de cana.
17/4/12
O quibe bem temperado
Tiña que asar pementos para a salsa dun bacallau e como sobraba espazo na bandexa do forno aproveiteino cunhas boliñas de quibe para a cea.Hoxe fíxeno con:
1 cup trigo para quibe
250 g carne de vitela picada
1 cebola picada
algo de aceite
sal
pementa negra, canela, cravo, noz moscada
coendro fresco da horta
raspadura de limón
Sempre sae máis cantidade do que se pensa, pódese conxelar o que quede para outro día.
15/4/12
Nutty flavour a esgalla
Fixen este pan cunha fariña aromática, agasallo de meu irmán. É trigo Montcada de Triticatum e arrecende a canela, a mel, a avelás.
A idea era facer un pan de masa nai, que a fariña ben o merece, pero por un problema de horarios non puido ser e foi con lévedo comercial, sen siquera un prefermento. Non me resistín a botarlle un par de culleradas de masa nai (toda a que tiña) coa ilusión de que, como a fermentación ía ser longa, algo faría.
INGREDIENTES para dúas pezas duns 600 g cada unha
412 g fariña de trigo Montcada
388 g fariña de forza (Aragonesa)
560 g auga [70%]
12 g sal [1,5%]
1,94 g lévedo seco (o que quedaba nun sobre)
25 g masa nai de centeo integral [3%]
PREPARACIÓN
Mesturo todo e amaso.
Deixo repousar 3 h a temperatura ambiente, cun S&F dentro do bol cada 60 min
Meto no frigorífico 8 h
Deixo temperar 30 min
Divido en dous, formo e meto nos banetóns 1 h
Enforno sobre a pedra quente 15 min a 240ºC con vapor e 45 min a 200ºC
A idea era facer un pan de masa nai, que a fariña ben o merece, pero por un problema de horarios non puido ser e foi con lévedo comercial, sen siquera un prefermento. Non me resistín a botarlle un par de culleradas de masa nai (toda a que tiña) coa ilusión de que, como a fermentación ía ser longa, algo faría.
INGREDIENTES para dúas pezas duns 600 g cada unha
412 g fariña de trigo Montcada
388 g fariña de forza (Aragonesa)
560 g auga [70%]
12 g sal [1,5%]
1,94 g lévedo seco (o que quedaba nun sobre)
25 g masa nai de centeo integral [3%]
PREPARACIÓN
Mesturo todo e amaso.
Deixo repousar 3 h a temperatura ambiente, cun S&F dentro do bol cada 60 min
Meto no frigorífico 8 h
Deixo temperar 30 min
Divido en dous, formo e meto nos banetóns 1 h
Enforno sobre a pedra quente 15 min a 240ºC con vapor e 45 min a 200ºC
Fabulosas fabas
Por fin chegou o momento de apañarmos as fabas. É incrible a velocidade coa que creceron nestes dous últimos meses.
Son unhas prantas fabulosas, sobreviviron a xeadas, vento, sequía, saraiba e chuvia torrencial. E aí están, todas cheas. Para o ano semento máis, sen dúbida.
13/4/12
Y por tierras de trigo
José Ramón y Álvaro sembraron un puñado de trigo en Alcalá y se les dio así de bien:
Ya tienen espigas y todo. Qué envidia de la mala...
Ya tienen espigas y todo. Qué envidia de la mala...
8/4/12
7/4/12
6/4/12
Perník!
Un malt whisky ginger cake que sabe a perník :)))Substituín o treacle por mel de cana, o mixed spice por canela, cravo e noz moscada, engadín un pouco de cacao en pó e omitín o aceite e o glaseado.
5/4/12
Bocata no Gerês
Á dereita, un muíño; á esquerda, un fío de áuga, que é ao que queda reducida nun ano tan seco como este a Cascata de Cela Cavalos.Chove :)
2/4/12
Sopa con kishk
Fixen esta riquísima sopa-potaxe cunha espiña de salmón (restos dun que marinei haberá un par de meses), allo porro da horta de Laura, cenoura, pataca e kishk. Boteille un pouco eneldo por riba no momento de servir. Todos os sabores combinan á perfección: o kishk axuda a espesar o caldo e aporta un puntiño ácedo delicioso.Este kishk ten historia: prepareino este verán nunha escapada montuna entre León e Asturias. Levei un táper con bulgur mesturado con kéfir (ou iogur, non me acordo ben) e cada mañán remexía un pouco mentres preparaba o café para o almorzo no camping gas; logo pasabamos o día camiñando por aí e ata o día seguinte. Slow food da boa :)
Máis información sobre o kishk, aquí.
Máis información sobre a sopa tarhana, aquí.
Unha receita de sopa tarhana á que lle teño botado o ollo hai tempo, aquí.
1/4/12
Sidra (2ª parte)
Hoxe embotellamos a sidra que fixemos en novembro. 86 botellas que agora deberán repousar ata o verán.
Suscribirse a:
Entradas (Atom)