Tarta de queixo

A sinxela tarta de queixo de toda a vida. Non ten complicación ningunha, pero se non a apunto aquí, seguro que perdo a receita.

INGREDIENTES
250 g queixo fresco
3 ovos
3 iogures (usei kéfir)
1 vasiño de iogur de azucre (usei amarelo areado)
1 vasiño de iogur de fariña
2 culleriñas de Royal

PREPARACIÓN
Batir o queixo cos ovos, azucre e iogur.
Engadir a fariña peneirada co Royal.
Verquer nun molde engraxado e enfornar 45 min a 200ºC

Primeiro contacto

 

 

 

  

Recibín hoxe o saco de fariña de Bacheldre Watermill que pedira e non fun quen de agardar a probala, podíame a impaciencia.

Fixen o pan máis simple do mundo: unha masa directa con lévedo comercial, sen prefermentos, pregados, retardos, preformados nin lerias (xa, xa sei que as présas son incompatibles co bo pan). Ainda así, o resultado non está nada mal.

A primeira impresión é boa polo que se refire a color, sabor, textura, absorción e forza, veremos como se comporta nunha fermentación longa.

O seguinte, con masa nai.

Dosas (uttapam?), primeira aproximación

 

Fixen un primeiro intento de dosas seguindo as instrucións de Wild fermentation, un libro que sempre esperta a curiosidade por probar cousas novas.

Non tiña lentellas peladas na casa e usei unhas pardinas normais (quero dicir con pel) e arroz corrente, polo que a masa quedou grumosa e nada fina, como debería, e en consecuencia as tortiñas saíron grosas e non finiñas como unha filloa, que é como teñen que ser.

De todos xeitos, o que máis me interesaba era comprobar como fermentaba a masa (non houbo problema ningún) e facerme unha idea do sabor. Ainda que as miñas dosas non teñen nada que ver coas orixinais, non están nada mal e véxolles posibilidades.

É unha marabilla a forza coa que fermenta grazas ao kéfir:
 

Pan sueco de centeo con melaza, anís e laranxa

Esta delicia sueca xa é un clásico en casa. Hoxe saiu cunha pinta un pouco rara pero seguro que está ben.

A receita está no foro del pan, e unha das valiosísimas aportacións de Ibán.

Coca de verduras da horta

Cousa máis fácil e máis rica...

Mal

Mal, moi mal que o meu primeiro pan logo das vacacións saia así de pesadote. E mal, moi mal que a fariña do país que adoito comprar estea a dar tan malos resultados.

Bean crackers 2nd ed.

Para estrear o cortapastas que Cecília tivo o detalle de me enviar (moltes gràcies!), unha nova versión destas galletiñas salgadas de aperitivo, esta vez con manteiga (e non aceite) e sen bicarbonato. Creo que me gustan máis desta maneira.

Mágoa que de forma non quedaron moi alá: non escurrín ben as fabas e obtiven unha masa demasiado branda que non se deixaba manexar ben.

Pastetx à Mauléon

Xantando unha especie de talos con touciño e queixo na festa da alpargata de Mauléon-Licharre.

Asiette du jour

Nas gorges d'Olhadubi.

Restaurante sen vistas pero con música

Bocata no lac d'Aule, envoltos por unha espesa néboa e o son dos cencerros dun milleiro de ovellas. Imposible saber cantas nin se están perto ou lonxe.

Restaurante con vistas

Bocata no col des Moines, cun pé no territorio francés e o outro no español.

Bocata en Ordesa (2)

Unha calor abafante e as augas do río Ara estaban TAN frías que non fun quen de me dar un chapuzón.

Bocata en Panticosa

No ibón de Sabocos. Demasiada calor para desfrutarmos da paisaxe.

Bocata en Ordesa

No barranco do Gallinero. Percorrendo a espectacular faja Racón.

Outro bocata nos Pirineos

Bocata no lac d'Arrious, nos Pirineos franceses. A dous mil douscentos e pico metros de altitude calquera cousa sabe a gloria.

Carquinyolis viaxeiros

A mellor barrita enerxética, a feita na casa :)

En Roncesvalles, un lugar inmellorable para comezar unha viaxe.